لاہور ( سپورٹس رپورٹر +نمائندہ سپورٹس) پاکستان ہاکی فیڈریشن کی سلیکشن کمیٹی نے عالمی کپ ٹورنامنٹ کیلئے 18 رکنی قومی ٹیم کا اعلان کر دیا ۔ رضوان سینئر کپتان برقرار جبکہ عماد شکیل بٹ نائب ہونگے۔ ایشین چیمپیئنز ٹرافی میں شرکت کرنیوالی ٹیم میں ایک تبدیلی کی گئی۔ رضوان جونیئر کو ڈراپ کر کے راشد محمود کو حصہ بنایا گیا۔ چیف سلیکٹرصلاح الدین نے ٹیم کا اعلان کیا ۔ 18 رکنی سکواڈ میں عمران بٹ، مظہر عباس، عرفان سینئر، مبشر علی، علیم بلال، فیصل قادر، عماد شکیل بٹ (نائب کپتان)، توثیق ارشد، راشد محمود، تصور عباس، اعجاز احمد، عمر بھٹہ، عرفان جونیئر، رضوان سینئر (کپتان)، علی شان، ابوبکر، عتیق ارشد اور محمد زبیر شامل ہیں۔ اصلاح الدین صدیقی کا کہنا تھا کہ ٹیم کی بھارت روانگی تک تربیتی کیمپ لاہور میں جاری رہے گا۔