لاہور(سپورٹس رپورٹر+نمائندہ سپورٹس) آٹھویں چیف آف دی نیول سٹاف گالف چیمپین شپ کا آغاز ہوگیا۔ تین روزہ ایونٹ میں 300امیچورز گالفرز شریک ہیں۔ پہلے روز ہونے والے مقابلوں میں لاہور گیریژن گالف کلب کے احمد بیگ 65 گراس سکور کے اتھ پہلے نمبر پر ہیں۔اس کے ساتھ ساتھ زوہیب آصف ڈی ایچ اے کلب کراچی اور محمد ثاقب لاہور گیریژن گالف اینڈ کنٹری کلب اور زونیر علیم ڈیفنس رائیا تینوں کھلاڑی 70 گراس سکور کے ساتھ دوسرے جبکہ راولپنڈی گالف کلب رافے راجہ اور جمخانہ لاہور کے سلمان جہانگیر 73گراس سکور کے اتھ تیسرے نمبر پر موجود ہیں۔ سلمان حنیف نے شاٹ لگا کر ٹورنامنٹ کا افتتاح کیا۔