قیصر بٹ سے زبردستی سادہ کاغذپر دستخط کرائے گئے، نیب دور آمریت کی نشانی ہے : سعد رفیق
لاہور(آئی این پی)مسلم لیگ (ن)کے سینئر رہنما اور رکن قومی اسمبلی خواجہ سعد رفیق نے اپنے ٹوئٹر پیغام میں دعویٰ کیا کہ نیب حراست میں قیصر امین بٹ کو ذہنی تشدد کا نشانہ بنایا گیاہے،ان سے سادہ کاغذات پر زبردستی دستخط کروائے گئے،انہیں زیر حراست ممنوعہ ڈرگز دینے کی اطلاعات موصول ہورہی ہیں،میرے خلاف ثبوت اکٹھے کرنے اور گواہی حاصل کرنے کیلئے لوگوں پر جبر کیا گیا۔ڈی جی نیب لاہور حکومتی آلہ کار بنے ہوئے ہیں۔
