شیخوپورہ : تصادم کے بعد کاریں کھائی میں جا گریں، 2 افراد جاں بحق، 4 زخمی
شیخوپورہ/جنڈیالہ شیرخان (نمائندگان خصوصی/نامہ نگار/نمائندہ نوائے وقت) موٹروے ہرن مینار انٹرچینج کے قریب دو کاریں آپس میں ٹکرا کر آہنی جنگلوں کو توڑتی کھائی میں جا گریں، جس کے نتیجہ میں کار سوار2افراد جاں بحق، 4 زخمی ہو گئے۔ واقعہ کی اطلاع ملتے ہی ریسکیو ٹیمیں موقع پر پہنچ گئیں۔ اطلاع کے مطابق دونوں کاریں لاہور سے اسلام آباد جا رہی تھیں۔ امیر افضل اور قاری ندیم موقع پر ہی جاں بحق ، محمد اقبال، محمد ارشد، الطاف حسین، شیخ الرحمن و دیگر شدید زخمی ہو گئے۔ تشویشناک حالت کے پیش نظر ایک شخص کو لاہور باقی افراد کو ڈی ایچ کیو ہسپتال پہنچا دیا گیا۔
