لاہور(سٹاف رپورٹر) ڈاکوئوں اور چوروں نے شہریوں کو لاکھوں روپے مالیت کی نقدی، زیورات و قیمتی سامان سے محروم کردیا۔ ڈاکوئوں نے ما نگا منڈ ی کے علاقے میں صفد ر کے گھر سے 1لاکھ 30ہزار،کو ٹ لکھپت میں بشیر سے90ہزار، چوہنگ میں شاہد کی فیملی سے 4لاکھ 30 ہزار روپے، ٹائون شپ میں امجدکے اہل خانہ سے 2لاکھ 20ہزار، مصطفی ٹائون میں یاسین کے گھر سے 1لاکھ 70ہزار روپے، لٹن روڈ میںطاہر کے گھر سے 1لاکھ 55ہزار، تھانہ فیکٹری ایریا مزمل سے75ہزار روپے مالیت کی نقدی و موبائل اور قیمتی اشیاء لوٹ لیں۔ ماڈل ٹائون اور کاہنہ سے گاڑیاں جبکہ گلشن اقبال ،ٹبی سٹی ،شفیق آباد ،باغبانپورہ ، مسلم ٹائون اور مستی گیٹ، جوہر ٹائون سے موٹر سائیکلیں چوری کر لی گئیں۔