لاہور (سپورٹس رپورٹر+نمائندہ سپورٹس)پاکستان اور آسٹریلیا کے درمیان پانچ ون ڈے میچوں کی سیریز مارچ میں کھیلی جا ئیگی۔ پی سی بی سیریز شیڈول کے مطابق کرانے کی منصوبہ بندی کر رہا ہے۔ سیریز کا میزبان پاکستان ہے۔ورلڈ کپ کی وجہ سے یہ امکان ظاہر کیا جا رہا تھا کہ سیریز کو اپریل میں منتقل کیا جا رہا ہے لیکن بورڈ کا کہنا ہے کہ تاریخوں میں کوئی ردو بدل نہیں کیا جا رہا۔پاکستان شیڈول کے مطابق سیریز کی کرانے کی منصوبہ بندی کر رہا ہے۔ذرائع پی سی بی کا کہنا ہے کہ آسٹریلیا کی ایک سے دو ون ڈے میچز کی میزبانی کے لیئے اب بھی کوشاں ہیںاور میچز کے لیئے کراچی اور لاہور کا آپشن بھی کھلا ہے۔نیوزی لینڈ ا پاکستان میں کھیلنے سے انکار کر چکا ہے ۔