گوجرانوالہ : انٹرتحصیل انڈر 16 سپورٹس مقابلے 15 دسمبر تک جاری رہیں گے
گوجرانوالہ (نمائندہ خصوصی) ڈسٹرکٹ سپورٹس آفیسر عائشہ سلیم چیمہ کے مطابق انٹرتحصیل انڈر 16 بوائز اور گرلز کے مقابلہ جات بائیس نومبر سے شروع ہو چکے ہیں جو پندرہ دسمبر تک جاری رہیں گے۔ ان مقابلہ جات میں سے چناؤ شدہ بوائز اور گرلز ٹیمیں انٹر ڈسٹرکٹ گوجرانوالہ ڈویژن کے مقابلوں میں شرکت کریں گی۔ تمام کھلاڑیوں کو ہدایت کی گئی ہے کہ وہ اپنے ساتھ ایف آر سی فارم ضرور لائیں بصورت دیگر کھیلنے کی اجازت نہیں ہو گی۔
