گجرات ( نامہ نگار)چوہدری ظہور الہی گولڈ کپ کبڈی ٹورنامنٹ کے تیسرے روزچار ٹیموں کے درمیان سیمی فائنل کھیلے گئے جس میں ائرفورس نے سوئی گیس کو 15پوائنٹس سے جبکہ واپڈا نے آرمی کو17پوائنٹس سے شکست دے کر فائنل کیلئے کوالیفائی کر لیا۔ سیمی فائنل کی تقریب کے مہمان خصوصی ڈی جی سپورٹس پنجاب ندیم سرور تھے جنہوں نے چاروں ٹیموں کے کھلاڑیوں سے ملاقاتیں کی اور انکی کارکردگی کو سراہتے ہوئے جنوری اور فرور ی میں ملک میں کبڈی کے فروغ کیلئے ٹورنامنٹ منعقد کروانے کا اعلان بھی کیا۔ پاکستان ائرفورس اور واپڈا کے درمیان فائنل میچ آج 25نومبر کو سہ پہر تین بجے ظہور الٰہی سٹیڈیم میں کھیلا جائیگا جس میں سپیکر پنجاب اسمبلی چوہدری پرویز الٰہی مہمان خصوصی ہونگے۔