گوجرانوالہ بورڈ کی زیر صدارت میلادمصطفی ؐکانفرنس28 نومبرکو ہوگی
گوجرانوالہ(نمائندہ خصوصی) بورڈ آف انٹرمیڈیٹ اینڈ سیکنڈری ایجوکیشن کی جامع مسجد میں مورخہ 28 نومبر بروز بدھ بعد از نمازِ ظہر میلادمصطفی ؐکانفرنس کا انعقاد کیا جارہا ہے جسکی صدارت ڈاکٹر مختار احمد (چیئرمین‘ بورڈ ہذا) کریں گے ،ترتیب کے لحاظ سے یہ 25 ویں سالانہ محفل میلادمصطفی ؐکانفرنس ہو گی اس طرح اس کانفرنس کو سلور جوبلی کا درجہ حاصل ہوگا۔اس پاکیزہ محفل میں خصوصی خطاب کیلئے ممتاز عالمِ دین، عا لمی مفکر اسلام ، پیرزادہ پروفیسرمحمدرضا ثاقب مصطفائی،مدظلہٗ مہتمم اعلیٰ ادارۃ المصطفی، پاکستان تشریف لائیں گے، شرکت کرنے والے ملازمین میں سے حج کی سعادت حاصل کرنے والے خوش نصیب افراد کی قرعہ اندازی بھی کی جائے گی۔
