شیخوپورہ (نامہ نگار خصوصی) آل پاکستان ڈیف کرکٹ ٹورنامنٹ کا گورنمنٹ ڈگری کالج گراؤنڈ پر انعقاد کیا گیا ٹورنامنٹ میں کل 8 ٹیموں نے حصہ لیا جنہیں دو پولز میں تقسیم کیا گیا تھا۔ مہمانان خصوصی اے سی فضائل مدثر، ڈسٹرکٹ انچارج ریسکیو رانا محمد اعجاز م حسین قادر شاہ اور پی ٹی آئی رہنما وقاص سرور رامے تھے جنہوں نے شاٹ لگا کر ٹورنامنٹ کا افتتاح کیا۔ فائنل میچ میں شیخوپورہ ڈیف کرکٹ کلب نے اوکاڑہ ڈیف کرکٹ کلب کو دس وکٹس سے شکست دیکر ٹورنامنٹ کی فتح کا تاج اپنے سر پر سجایا، ٹورنامنٹ کے آرگنائزر صدر انجمن تاجران شرقپور روڈ میاں زاہد صدیق نے فاتح ٹیم کو 10ہزار روپے کیش رنر اپ ٹیم کو 5ہزار، مین آف دی میچ کھلاڑی کو 1ہزار روپے نقد انعام دیا اور مہمانان خصوصی نے فاتح اور رنر اپ ٹیم کے کھلاڑیوں میں انعامات تقسیم کئے۔