موغا دیشو(آئی این پی+ نوائے وقت رپورٹ) صومالیہ کے دارالحکومت موغا دیشو میں کار بم دھماکے اور الشبا ب کے مذہبی مرکز پر خود کش حملے میں 25افرادہلاک اور 20 زخمی ہو گئے ہیں۔ مرکز میں چار بمبار داخل ہوئے تو جھڑپ ہو گئی ، معروف عالم دین مرنے والوں میں شامل ہیں،تین حملہ آور مارے اور ایک کو گرفتار کر لیا گیا دھماکہ شہر کے معروف بازار میں ہوا اطراف کی عمارتیں اور قریب کھڑی کئی گاڑیاں بھی تباہ ہو گئیںمفوری طور پر کسی گروپ نے ذمہ داری قبول نہیں کی،علاقے میں سرچ آپریشن شروع کر دیا گیا ہے۔ یاد رہے ایسے دھماکے اکثر الشباب شدت پسند گروپ کے جنگجو کرتے ہیں۔