تیونس کے سفیر عادل العربی کا پاکستان ہاکی فیڈریشن کا دورہ
لاہور(سپورٹس رپورٹر+نمائندہ سپورٹس) پاکستان میں تیونس کے سفیر عادل العربی نے پاکستان ہاکی فیڈریشن کا دورہ کیا ۔نیشنل ہاکی سٹیڈیم پہنچنے پر پاکستان ہاکی فیدریشن کے سیکرٹری اولمپئین شہباز احمد سینئر نے ان کا استقبال کیا ۔تیونس کے سفیر نے اس موقع پر نیشنل ہاکی سٹیڈیم میں جاری قومی خواتین ہاکی چیمپئن شپ کا میچ بھی دیکھا ۔سفیر کا کھلاڑیوں ٹورنامنٹ آفیشلز اور پی ایچ ایف ویمن ونگ کے عہدیداروں سے تعارف کروایا گیا ۔عادل العربی نے خواتین ہاکی کھلاڑیوں کی کارکردگی کو بھی سراہا۔تیونس کے سفیر نے سیکرٹری پاکستان ہاکی فیڈریشن کے ساتھ تیونس میںہاکی کی بہتری کے لیے اقدامات پر تبادلہ خیال کیا ۔
