ٹیسٹ رینکنگ: یاسر شاہ ٹاپ ٹین بائولرز میں شامل، بابر ، حارث، حسن کی بھی ترقی
لاہور (سپورٹس رپورٹر+نمائندہ سپورٹس) قومی ٹیم کے لیگ سپنر یاسر شاہ نے نیوزی لینڈ کے خلاف دبئی ٹیسٹ میں شاندار باولنگ کا مظاہرہ کرکے نئی آئی سی سی ٹیسٹ رینکنگ میں ایک بار پھر ٹاپ10باولرزکی فہرست میں جگہ بنا لی ہے۔ 32سالہ یاسر شاہ 19ویں پوزیشن سے چھلانگ لگا کر10ویں پوزیشن پر آگئے ہیں۔باولرز کی فہرست میں جنوبی افریقی فاسٹ باولر کاگیسو ربادا نے ایک با ر پھر نمبر ون پوزیشن اپنے نام کر لی ہے۔تیج الاسلام27ویں سے21ویں پوزیشن‘ بین سٹوکس31ویں سے28ویں پوزیشن‘ دوندرا بشو34ویں سے32ویںپوزیشن ‘عادل رشید38ویں سے36ویں پوزیشن‘ جیک لیچ 43ویں سے41ویں پوزیشن‘ لکشن سنداکن56ویں سے45ویں پوزیشن اور ملندا پشپا کمارا76ویں سے 61ویں پوزیشن شامل ہیں،فاسٹ باولر حسن علی نے بھی44ویں سے39ویں پوزیشن پر چھلانگ ماری ہے۔بلے بازوں کی فہرست میں ویرات کوہلی بدستور پہلے نمبر پر موجود ہیں جبکہ نیو زی لینڈ کے خلاف دبئی ٹیسٹ میں81رنز بنانے والے اظہر علی 3درجے ترقی پاکر 12ویں پوزیشن پر آگئے ہیں ، کوشل مینڈس28ویں سے20ویں پوزیشن، بین سٹوکس36ویں سے31ویں پوزیشن، روشن سلوا53ویں سے48ویں پوزیشن اورشین ڈاورچ65ویں سے58ویں پوزیشن ترقی پانیوالے دیگر بلے باز ہیں۔نیوزی لینڈ کے ہنری نکولس نے3درجے ترقی پاکر17ویں پوزیشن پر قبضہ جمایا ہے جبکہ جوز بٹلر21ویں سے 18ویں پوزیشن، حارث سہیل71ویں سے38ویں پوزیشن، بابر اعظم63ویں سے39ویں پوزیشن اور بین فوکس54ویں سے50پوزیشن نے بھی نئی رینکنگ میں ترقی کا مزہ چکھا ہے۔
