لاہور (سپورٹس رپورٹر+نمائندہ سپورٹس) پاکستان ہاکی فیڈریشن کے ویمن ونگ کے زیر اہتمام لاہور میںقومی ہاکی چیمپئن شپ کے مقابلے تیسرے روز بھی جاری رہے۔ ایچ ای سی، آرمی، واپڈا، سندھ وائٹس اور پنجاب کلرز کی ٹیموں نے اپنے اپنے میچز جیت لیے۔ پہلا میچ ایچ ای سی اور ریلویز کی ٹیموں کے درمیان کھیلا گیا جس میں ایچ ای سی نے دو صفر سے کامیابی اپنے نام کی۔ آرمی نے اسلام آباد کو 13-0 سے زیر کیا۔ واپڈا اور پنجاب وائٹس کی ٹیموں کے درمیان کھیلا گیا جس میں واپڈا نے صفر کے مقابلے 9 گول سے کامیابی اپنے نام کی۔ سندھ وائٹس نے سخت مقابلے کے بعد کے پی کے ٹیم کو دوصفر سے ہرایا۔ پنجاب کلرز نے بلوچستان ٹیم کے خلاف 18-0 سے یکطرفہ کامیابی اپنے نام کی۔