لاہور (سپورٹس رپورٹر+نمائندہ سپورٹس) 14ویں ورلڈ کپ ہاکی کے افتتاحی روز بیلجیم نے کینیڈا کو ایک کے مقابلے میں دو گول سے ہرا دیا، جبکہ بھارت نے جنوبی افریقہ کے خلاف پانچ۔ صفر سے کامیابی حاصل کی۔بھارت کے شہر بھوونیشور میں کھیلے جارہے ورلڈ کپ ہاکی کے پہلے میچ میں بیلجیم نے کینیڈا کے خلاف تیسرے ہی منٹ میں برتری حاصل کی۔دوسرے کوارٹر میں کپتان بریلز تھامس نے دوسرا گول داغ کر برتری دگنی کردی جو تیسرے کوارٹر تک برقرار رہی۔آخری کوارٹر میں پیئرسن مارک نے نے کینیڈا کی طرف سے واحد گول کرکے سکور دو۔ایک کردیا اور اسی سکور پر بیلجیم کی جیت کے ساتھ میچ کا اختتام ہوا۔ایک اور میچ میں میزبان بھارت نے جنوبی افریقہ کو آوٹ کلاس کر دیا۔ بھارت نے میچ میں پانچ گول سکور کیے، جبکہ جنوبی افریقی کی ٹیم کوئی گول نہ بنا سکی۔آج رجنٹینا کا مقابلہ سپین سے اور نیوزی لینڈ کا مقابلہ فرانس سے ہوگا۔گرین شرٹس پہلا مقابلہ پرسوں یکم دسمبر کو جرمنی کیخلاف کھیلے گی ۔