لاہور(سپورٹس رپورٹر) پاکستان 14 سال بعد انٹرنیشنل ہاکی ٹورنامنٹ کی میزبانی کیلئے تیار، ایونٹ 17 دسمبر سے لاہور میں کھیلا جائیگا۔ پاکستان غیر ملکی ٹیموں کا آکر کھیلنا کسی بڑی خبر سے کم نہیں ہوتا ، ایسے میں انٹرنیشنل ہاکی فیڈریشن نے پاکستان کو چار ملکی ہاکی اوپن سیریز کی میزبانی دیدی۔ انٹرنیشنل ہاکی فیڈریشن نے ٹورنامنٹ کے انعقاد کیلئے اپنا ہدایت نامہ بھی جاری کردیا ہے۔ انٹرنیشنل ہاکی فیڈریشن نے چار ممالک کو لازمی شرکت کی ہدایت کردی ہے۔ ہاکی اوپن سیریز17سے 22 دسمبر تک لاہور میں کھیلی جائے گی۔ ایونٹ شرکت کیلئے ازبکستان، قازقستان، افغانستان اور نیپال کی ٹیمیں پاکستان آئیں گی۔