پشاور( بیورو رپورٹ) سینئر صحافی نور الحسن حملے میں قتل جبکہ کیمرہ مین شدید زخمی ہوگیا ۔میت آبائی گاﺅں شیدو منتقل کردی گئی۔تھانہ پشتہ خرہ پشاور میں نامعلوم ملزموں کے خلاف مقدمہ درج کرلیاگیا۔نماز جنازہ آج بروز منگل ادا کی جائے گی۔ پولیس کے مطا بق نور الحسن فرائض سرانجام دینے کےلئے حیات آباد پشاور جارہے تھے کہ پشاور رنگ روڈ پر نامعلوم موٹرسائکل سوار نقاب پوش ملزموں نے فائرنگ کردی۔پولیس کے مطابق واقعہ ٹارگٹ کلنگ نظر آرہا ہے۔نورالحسن کی شہادت پر نوشہرہ میں صحافیوں میں شدید غم و غصہ کی لہر دوڑ گئی ۔انسپکٹر جنرل پولیس خیبر پی کے نے نورالحسن کے قتل کا نوٹس لے لیا ہے ۔سی سی پی پشاور کو قتل کے تفتیش کی خود نگرانی کی ہدایت دے دی۔
صحافی قتل