میکسیکو سٹی(آئی این پی)شمالی امریکی ملک میکسیکو میں امریکی قونصلیٹ پر ایک حملہ کیا گیا ہے۔بین الاقوامی خبر رساں ادارے کے مطابق بارودی مواد کے ساتھ یہ حملہ میکسیکو کے دوسرے بڑے شہر گاڈالا جارا میں کیا گیا۔ یہ حملہ امریکی نائب صدر مائیک پینس اور صدر ڈونلڈ ٹرمپ کی بیٹی ایوانکا ٹرمپ کے دورے سے تھوڑی دیر پہلے کیا گیا تاہم اس حملے میں کوئی بھی شخص زخمی نہیں ہوا۔ ابھی تک کسی بھی گروہ نے اس حملے کی ذمہ داری قبول نہیں کی ہے۔