قائد اعظم ٹرافی کا فائنل آج سے حبیب بنک اور سوئی ناردرن کے درمیا ن کھیلا جائیگا
لاہور(سپورٹس رپورٹر) پی سی بی ڈومیسٹک کرکٹ میں قائد اعظم ٹرافی کا پانچ روزہ فائنل میچ آج سے حبیب بنک اور سوئی ناردرن گیس پائپ لائن کی ٹیموں کے درمیا ن یو بی ایل سپورٹس کمپلیکس میں کھیلا جائیگا۔ میچ میں امپائرنگ کے فرائض محمد آصف اور فیصل آفریدی انجام دیں گے۔ ٹی وی امپائر ولید یعقوب جبکہ ریزرو امپائر خالد محمود سینئر ہوں گے۔ شاہد بٹ میچ کے ریفری ہوں گے۔ فاتح ٹیم کو تیس لاکھ روپے جبکی رنر اپ ٹیم کو بیس لاکھ روپے انعامی رقم دی جائیگی۔ فائنل کے مین آف دی میچ ، ٹورنامنٹ کے بہترین بیٹسمین، بہترین باؤلر، اور بہترین کھلاڑی کو ایک ایک لاکھ روپے انعامی رقم دی گئی۔
