لاہور (اپنے نامہ نگار سے) سینئر صحافی شہزادہ خالد کے بیٹے طلحہ افضل کی انڈر 16 شیخوپورہ ڈسٹرکٹ فٹبال ٹیم میں سلیکشن ہو گئی ہے۔ سیکرٹری ڈسٹرکٹ فٹبال ایسوسی ایشن شیخوپورہ نعیم حیدر نے کہا ہے کہ شیخوپورہ کی فٹبال انڈر 16 ٹیم بہت بہترین ہے اور آئندہ ڈسٹرکٹ لیول کے مقابلوں میں شیخوپورہ کی کامیابی یقینی ہے۔ سیکرٹری نعیم حیدر مسلم فٹبال کلب شیخوپورہ کے ہیڈ کوچ کی ذمہ داری بھی ادا کر رہے ہیں اور کوچ مسلم فٹبال کلب محمد ندیم نے انڈر 16 ٹیم کی سلیکشن میں دن رات محنت کی اور ٹورنامنٹ کیلئے کھلاڑیوں کو تیار کیا۔