لکی مروت (صباح نیوز) سرائے نورنگ کے قریب نالی چک علاقے میں واقع افغان مہاجر کیمپ میں سرچ آپریشن کے دوران چھ مشتبہ افغان شہری گرفتار کر کے تین غیر رجسٹرڈ موٹرسائیکلیں قبضے میں لے لیں۔ پولیس ذرائع کا کہنا ہے کہ قانون نافذ کرنے والے ادارے کے اہلکاروں نے چھ مشتبہ افغان شہری گرفتار کر کے تفتیش کی غرض تھانے منتقل کر دئیے تین غیر رجسٹرڈ موٹرسائیکلیں بھی تحویل میں لے لی گئیں۔ دریں اثناء پولیس نے سرائے گمبیلا میں ناکہ بندی کے دوران دو ملزمان گرفتار کر کے ان کے قبضے سے ایک ری پیٹر بندوق، ایک پستول اور کارتوس برآمد کر ئے۔