مصر کے یوسف ابراہیم نے چیف آف نیول سٹاف سکواش چیمپئن شپ جیت لی
لاہور(نمائندہ سپورٹس)مصر کے یوسف ابراہیم نے پاکستان کے فرحان محبوب کو شکست دے کر 13ویں چیف آف نیول سٹاف اوپن انٹرنیشنل سکواش چیمپئن شپ اپنے نام کرلی۔چیف آف نیول سٹاف ایڈمرل ظفر محمود عباسی اختتامی تقریب میں مہمان خصوصی تھے جبکہ سکواش لیجنڈ جہانگیر خان بھی اختتامی تقریب میں شریک تھے۔ میچ کے اختتام پر نیول چیف نے کھلاڑیوں میں انعامات تقسیم کئے ۔ چیمپئن شپ 6تا 10دسمبر نیوی روشن خان جہانگیر خان سکواش کمپلیکس میں کھیلی گئی۔
