لاہور (نمائندہ سپورٹس )ایشین فٹ سال چیمپئن شپ کی تیار ی کے سلسلہ میں انتظامات مکمل، بھارت اور بنگلہ دیش کی ٹیموں کو ابھی تک این او سی جاری نہیں ہو سکا۔ پاکستان فٹ سال فیڈریشن کے سیکرٹری جنرل عدنان ملک نے کہا کہ ایشین فٹ سال چیمپئن شپ کی تیار ی کے سلسلہ میں انتظامات مکمل کر لئے گئے ہیں جبکہ بھارت اور بنگلہ دیش کی ٹیموں کو ابھی تک این او سی جاری نہیں ہو سکا اور چیمپئن شپ کل سے لیاقت جمنازیم اسلام آباد میں شروع ہو رہی ہے جس میں آٹھ ممالک کی ٹیموں نے حصہ لینے کی تصدیق کی تھی۔ جن میں میزبان پاکستان، افغانستان، بنگلہ دیش، بھارت، نیپال، ترکی، سعودی عرب اور سری لنکا کی ٹیمیں شامل ہیں جبکہ بھارت اور بنگلہ دیش کی ٹیموں کو ابھی تک این او سی جاری نہیں ہو سکے۔ ہمارا ان ٹیموں سے ابھی تک رابطہ جاری ہے ان کی طرف سے تمام تیاریاں مکمل ہیں صرف ویزہ جاری ہونے کی بات ہے۔ عدنان ملک نے حکومت سے اپیل کی ہے کہ بھارت اور بنگلہ دیشن کی ٹیموں کو جلدازجلد این او سی جاری کئے جائیں تاکہ وہ ٹیمیں بھی انٹرنیشنل ایونٹس میں شرکت کر سکیں۔ پاکستان پہلی بار ایشیائی سطح کی چیمپئن شپ کی میزبانی کر رہا ہے جس میں بڑی تعداد میں غیر ملکی ٹیموں کے کھلاڑی شرکت کر رہے ہیں۔ برطانیہ کا معروف میوزیکل بینڈ سہارا 13 دسمبر کو لیاقت جمنازیم اسلام آباد میں اپنے فن کا مظاہرہ کرے گا۔ ایشین چیمپئن شپ کے افتتاحی میچ سے قبل سہارا میوزیکل گروپ پرفارمنس دیگا جبکہ پرسوںشاہ زمان بینڈ، 15 دسمبرکو امان اور ایشین فٹ سال چیمپئن شپ کے آخری روز 16 دسمبر کو شیر علی بگا میوزیکل گروپ لائیو میوزک سے اپنی آواز کا جادو جگائیں گے۔