میکسیکو سٹی (اے پی پی) میکسیکو کے ایک چرچ میں آتش بازی کے سامان میں دھماکے سے 8 افراد ہلاک اور50کے قریب زخمی ہو گئے۔مقامی پولیس کے مطابق میکسیکو سٹی سے 90 میل دور ٹکیوسکیواپین نامی شہر کے سان جوز چرچ میں ایک مذہبی تقریب کے دوران چرچ میں رکھے آتش بازی کے سامان میں آگ بھڑک اٹھی جس کی وجہ سے کم از کم 8افراد کی جان لے لی اور 50کے قریب زخمی ہو گئے۔ہلاک ہونے والے افراد میں گیارہ اور بارہ سال کی عمر کے دو بچے بھی شامل ہیں۔چرچ میں کسی تہوار کیلئے آتش بازی کا سامان عطیہ کیا گیا تھا۔