لاہور ( اپنے نامہ نگار سے ) ڈسٹرکٹ فٹ بال چمپئن شپ شیخوپورہ کا فائنل میچ آج جامع سکول کی گرائونڈ پر کھیلا جا رہا ہے ۔ فائنل میچ کے بعد آج ہی 3بجے سہ پہر انعامات کی تقسیم کی تقریب منعقد کی جائیگی۔ ایسوسی ایشن کے سیکرٹری نعیم حیدر نے میڈیا سے گفتگو کرتے ہوئے کہا کہ پاکستان میں فٹ بال کا بہت ٹیلنٹ موجود ہے لیکن اعلیٰ سطح پر اس ٹیلنٹ کو اجاگر کرنے کی ضرورت ہے ۔ اگر حکومت پاکستان فٹ بال کی طرف توجہ دے تو اس اہم کھیل میں پاکستان دنیا بھر میں اپنا نام روشن کر سکتاہے۔ مشہور سوشل ورکر اور غلہ منڈی تاجرون کے صدر شہریا ر چیمہ ٹورنامنٹ میں حصہ لینے والی ٹیموں میں انعامات تقسیم کر یں گے ۔