شہبازشریف سے اہلخانہ کی ملاقات‘ بلڈ ٹیسٹ میں کینسر کا باعث بننے والے اجزاءکا انکشاف : ذرائع
اسلام آباد+لاہور (خصوصی رپورٹر+این این آئی)شہباز شریف سے ان کے اہل خانہ نے منسٹر انکلیو میں ملاقات کی۔ شہباز شریف سے ان کی اہلیہ نصرت شہباز اور بیٹے حمزہ شہباز نے اسلام آباد میں سب جیل قرار دی گئی رہائش گاہ پر ملاقات کی۔واضح رہے کہ قائد حزب اختلاف شہباز شریف آشیانہ ہاﺅسنگ سکیم میں اختیارات کا ناجائز استعمال کرنے اور من پسند افراد کو ٹھیکے دینے کے الزام میں گرفتار ہیں۔ شہباز شریف کے خون کے نمونے کی تازہ رپورٹ منظر عام پر آ گئی ۔ ذرائع کے مطابق رپورٹ میں ایک بار پھر کینسر کا باعث بننے والے اجزاءکی موجودگی کا انکشاف ہوا ہے۔ رپورٹ میں کرومو گرینن اے اجزاءکی موجودگی معمول سے کئی گنا زیادہ پائی گئی ہے۔ ذرائع کے مطابق شہباز شریف کا کل (پیر) کے روز اسلام آباد میں طبی معائنہ کیا جائے گا۔
شہبازشریف/ ملاقات
