لاہور (سپورٹس ڈیسک)سابق جنوبی افریقی کپتان اور مایہ ناز بلے باز اے بی ڈیویلیئرز کو میدان کے چاروں اطراف یکساں مہارت سے شاٹس کھیلنے کے باعث ‘مسٹر تھری سکسٹی’ کہا جاتا ہے۔انہوں نے رواں برس بین الاقوامی کرکٹ سے ریٹائرمنٹ کا اعلان کیا تھا گزشتہ شب انہوں نے جو اننگز کھیلی تو اس سے دوبارہ پرانے ڈیویلیئرز کی یاد تازہ ہوگئی۔انہوں نے بلند و بالا چھکے اور چوکے جڑتے ہوئے 93 رنز کی شاندار اننگز کھیل ڈالی۔