حافظ آباد (نمائندہ خصوصی) محلہ شریف پورہ میں چوکیدار کو پہرہ دیتے نامعلوم ملزمان نے فائرنگ کرکے قتل کردیا، ملزمان فرار ہو گئے۔ پولیس چوکیدار کے قتل کی لرزہ خیز واردات کا سراغ نہ لگا۔ تفصیلات کے مطابق نواحی گائوں ٹھٹھہ سکندر کا 58سالہ نذر محمد حافظ آباد کے محلہ شریف پورہ میں چوکیدارہ کرتا تھا۔ گزشتہ رات وہ حسب معمول پہرہ دے رہا تھا کہ نامعلوم ملزمان نے اسے فائرنگ کرکے قتل کردیا جس کے بعد ملزمان فرارہوگئے۔ پولیس نے نعش کو قبضہ میںلیکر پوسٹمارٹم کے لئے ڈسٹرکٹ ہیڈ کوارٹر ہسپتال منتقل کردیا ۔