لاہور (نامہ نگار) مسلم ٹاؤن کے علاقے میں گاڑی کی چھت پر بیٹھا 40 سالہ محنت کش انڈر پاس سے ٹکرانے کے باعث جاںبحق ہو گیا ہے۔ تفصیلات کے مطابق مسلم ٹاؤن کے علاقے میں کینال روڈ پر انڈر پاس کے نیچے سے گزرتے مزدا گاڑی کی چھت پر بیٹھا 40 سالہ محنت کش رمضان کا سر انڈر پاس سے ٹکرا گیا، جس کے نتیجے میں و ہ مزدہ گاڑی کی چھت سے نیچے سڑک پر جا گرا اور شدید زخمی ہو گیا۔ اسے تشویشناک حالت میں طبی امداد کے لئے ہسپتال منتقل کر دیا گیا جہاں دم توڑ گیا۔ اطلاع ملنے پر پولیس نے موقع پر پہنچ کر نعش قبضے میں لے لی، بعد میں ورثاء کے حوالے کر دی۔