لاہور(نمائندہ سپورٹس)نیشنل ٹریک مینز اور تیرہویں نیشنل ویمنز ٹریک سائیکلنگ چیمپئن شپ آرمی نے جیت لی۔ ارسلان انجم نے مردوں کا جبکہ صبیحہ زاہد نے خواتین ایونٹس کی فاتح قرار پائیں۔ سائیکلنگ ویلیو ڈروم میں منعقد ہو نے والی چیمپئن شپ میں آرمی کے سائیکلسٹس نے مردوں اور خواتین ایونٹس میں گولڈ میڈل جیت کر چیمپئن شپ جیت لی۔ مینز ایلیٹ، مینز جونیئر، ویمنز ایلیٹ میں آرمی نے پہلی پوزیشن حاصل کی جبکہ ویمنز جونیئر میں پنجاب نے پہلی پوزیشن حاصل کی۔ سائیکلسٹس نے ویلیو ڈروم کی ٹوٹ پھوٹ پر مایوسی اکا اظہار کرتے ہوئے وفاقی حکومت سے مطالبہ کیا کہ ملک کے واحد ویلیو ڈروم کی مرمت کرائی جائے اور بین الاقومی معیار کے مطابق کیا جائے تاکہ کھلاڑی یہاں پریکٹس کر کے دنیا کا مقابلہ کر سکیں۔ ڈی جی سپورٹس پنجاب نے کھلاڑیوں میں انعامات تقسیم کئے۔