قومی ٹی ٹونٹی ٹورنامنٹ:ملتان نے لاہور وائٹس کو ہر ادیا
لاہور (نمائندہ سپورٹس ) قومی ٹی ٹونٹی کر کٹ ٹورنامنٹ کے نویں روز کے پہلے میچ میں شمع ملتان نے لاہور وائٹس کو 7وکٹوں سے شکست دیدی۔ملتان کر کٹ سٹیڈیم میں کھیلے جارہے میچ میں لاہور وائٹس نے ٹاس جیت کر پہلے کھیلتے ہوئے مقررہ اوور میں 7وکٹوں پر 109رنز بنائے لاہور وائٹس کی جانب سے علی خان 43رنزبنا کر ناٹ ا?ؤٹ رہے جبکہ سیف بدر نے 20رنز بنائے۔ملتان کی جانب سے محمد عرفان خان نے 2جبکہ محمد حفیظ ،محمد عمران اور عامر یامین نے ایک ایک وکٹ حاصل کی جواب میں شمع ملتان نے مطلوبہ ہدف محمد حفیظ کی شاندار بیٹنگ کی بدولت 17.2اوور میں 3وکٹوں کے نقصان پر حاصل کر لیا ،محمد حفیظ 46رنزکی نا قابل شکست اننگز کھیلی جبکہ دوسرے نمایاں بیٹسمین حسن رضا نے 33رنز بنائے۔ لاہور وائٹس کی جانب سے عمید آصف ،ظفر گوہر اور احمد بٹ نے ایک ایک وکٹ حاصل کی۔آل راؤنڈ کارکردگی پر محمد حفیظ میچ کے بہترین کھلاڑی قرار پائے۔کراچی نے لاہور بلیوز کو 38رنزسے ہرا دیا۔کراچی نے لاہور بلیوز کو 38رنز سے شکست دیدی۔کراچی نے 6وکٹوں پر 179رنز بنائے۔ اویس ضیا نے 68رنز کی اننگز کھیلی۔ شعیب ملک48رنز بنا کر نمایاں رہے۔حسین طلعت اور محمد عرفان نے 2،2اور سلمان علی آغا نے ایک وکٹ حاصل کی۔لاہور بلیوز کی ٹیم 18.4اوور میں 141رنز بنا کر آؤٹ ہوگئی۔رضوان حسین45اور سعد نسیم23رنز بناکر نمایاں رہے۔ محمد سمیع نے5‘راحت علی نے 3جبکہ شعیب ملک اور رضا حسن نے ایک ایک وکٹ حاصل کی۔محمد سمیع میچ کے بہترین کھلاڑی قرار پائے۔
