لاہور (سپورٹس ڈیسک)کرکٹ جنوبی افریقہ انوی ٹیشن الیون نے پاکستان کے خلاف تین روزہ پریکٹس میں اپنی پہلی اننگز 318رنز سات کھلاڑی آئوٹ پر ڈکلیئر کردی ۔ برانڈ اڑتیس ‘رچرڈز اٹھانوے ‘ڈیتھول بارہ ‘بریٹزکی چوبیس ‘نیاکو ایک ‘مون سیمی تیس رنز بناکر آئوٹ ہوئے ۔ کپتان مارکم 103اور منیاکا تین رنز بناکر ناٹ آئوٹ رہے ۔ فہیم اشرف ‘اظہر علی نے دو دو ‘محمد عامر‘حسن علی اور حارث سہیل نے ایک ایک کھلاڑی کو آئوٹ کیا ۔ پاکستان نے جواب میں دو اوورز میں بغیر کسی نقصان کے دو رنز بنالئے تھے ۔ امام الحق اور فخر زمان ایک ایک رن بناکر کھیل رہے تھے ۔پاکستان کو میزبان ٹیم کا سکور برابر کرنے کیلئے مزید 316رنز درکار جبکہ تمام وکٹیں باقی ہیں ۔