لاہور+ منڈی فیض آباد+ فیصل آباد+جھنگ (نامہ نگاران+ نمائندہ خصوصی) حالات سے دلبرداشتہ 15 سالہ لڑکے سمیت 4افراد کی خودکشی۔ نشتر کالونی لاہور میں 15 سالہ سیدان لڑکے نے نامعلومات وجوہات پر پنکھے سے لٹک کر پھندا لے لیا۔ اطلاع ملنے پر پولیس نے موقع پر پہنچ کر نعش قبضے میں لے کر پوسٹ مارٹم کیلئے مردہ خانے منتقل کر دی۔ منڈی فیض آباد میں ذہنی مریض پچاس سالہ شیخ محمد نواز نے قادرآباد کالونی میں نہر میں چھلانگ لگا کر زندگی کا خاتمہ کر لیا۔ اطلاع ملنے پر ریسکیو کی غوطہ خور ٹیم نعش تلاش کرتی رہی مگر وہ مل نہ سکی۔ فیصل آباد کے علاقہ غلام محمدآباد صدر بازار کے 70سالہ جمال دین نے نامعلومات وجوہات زہریلی گولیاں نگل لیں جسے ہسپتال منتقل کیا گیا۔ ڈاکٹروں نے معدہ واش کرکے بچانے کی کوشش کی مگر زندگی و موت کی کشمکش میں مبتلا رہنے کے بعد جاں بحق ہو گیا۔ ہسپتال انتظامیہ نے ضروری کارروائی کے بعد نعش ورثاء کے حوالے کر دی۔ جھنگ سٹی کے علاقہ محلہ انصاریاں کے محمد اشفاق نے گھریلو ناچاقی لڑائی جھگڑے سے تنگ آ کر گلے میں پھندا ڈال کر زندگی کا خاتمہ کر لیا۔