امریکہ خلا کو جنگی سرگرمیوں کا مرکز بنانے سے گریز کرے:چین کی وارننگ
بیجنگ (صباح نیوز) چین نے امریکہ کی جانب سے خلائی فورس بنانے کے اعلان پر ردعمل کا اظہار کیا ہے۔ غیرملکی خبررساں ادارے کے مطابق بیجنگ میں پریس بریفنگ کے دوران ترجمان چینی وزارت خارجہ ہوا چنینگ نے امریکہ کی جانب سے خلائی فورس بنانے کے اعلان پر اپنا ردعمل دیتے ہوئے کہا ہے کہ امریکہ خلا کو جنگی سرگرمیوں کا مرکز بنانے سے گریز کرے کیونکہ خلا کو میدان جنگ بنانا پوری دنیا کیلئے تباہ کن ہوگا۔ ترجمان چینی وزارت خارجہ ہوا چنینگ نے پریس بریفنگ کے دوران امریکہ کو پیغام دیتے ہوئے کہا کہ خلا کو امن کا مقام رہنے دیا جائے اور اسلحہ کے انبار نہ لگائے جائیں۔
