لاہور(نمائندہ سپورٹس )شعیب خان نے بے نظیر بھٹو شہید نیشنل رینکنگ ٹینس ٹورنامنٹ جیت لیا۔ پی ٹی ایف ٹینس کمپلیکس اسلام آباد میں کھیلے گئے بوائز سنگل انڈر 18 کے فائنل میں شعیب خان نے احمد کامل کو 3-6، 6-2 اور 6-2 سے ہرا کر ٹائٹل اپنے نام کیا۔جرمنی کے کائی ویہنلٹ نے بے نظیر بھٹو شہید آئی ٹی ایف فیوچرز چیمپیئن شپ جیت لی۔ مینز سنگلز کے فائنل میں جرمنی کے ویہنلٹ نے جاپان کے ریو نگوشی کو 6-1 اور 7-5 سے ہرا کر ٹائٹل اپنے نام کیا۔ فائنل کی اختتامی تقریب کے موقع پر پاکستان ٹینس فیڈریشن کے سیکرٹری سلیم سیف اللہ خان، سینیٹر تاج حیدر اور سابق وزیر ہمایوں سیف اللہ خان نے کھلاڑیوں میں انعامات تقسیم کئے۔