سعودی عرب توانائی ضروریات پوری کرنے کیلئے 25 ایٹمی پلانٹ لگائے گا
اسلام آباد (سپیشل رپورٹ) سعودی عرب توانائی کی ضروریات پوری کرنے کے لئے ایٹمی پاور پلانٹ لگائے گا۔ سعودی اخبار سعودی گزٹ کی رپورٹ کے مطابق سعودی عرب فوری طور پر دو ایٹمی پاور پلانٹ توانائی کے حصول کے لئے لگائے گا۔ 2025 ء تک سعودی عرب 25 ایٹمی پاور پلانٹ تعمیر کرے گا۔ اخبار کے مطابق سعودی عرب کے انڈی پنڈٹ پروڈکشن پراجیکٹ کے ڈائریکٹر حامد الثقاف نے بتایا کہ سعودی عرب بجلی کی ضروریات پوری کرنے کے لئے دیگر ذرائع سے بھی بجلی حاصل کرے گا۔
