لاہور (خصوصی نامہ نگار)ایل ڈی اے آفیسرز ویلفیئر ایسوسی ایشن کی اپیل پر رولز کیخلاف ڈیپوٹیشن پر تعیناتیوں اور ڈیپوٹیشن افسران کے رویہ کیخلاف گزشتہ روز افسران نے قلم چھوڑ ہڑتال کی اور ایل ڈی اے عمارت کے باہر مظاہرہ بھی کیا۔ مظاہرین نے کہا آج کا احتجاج ٹوکن ہے ، بات نہ سنی گئی تواحتجاج میں شدت اور اضافہ بھی کر سکتے ہیں۔ انہوں نے کہا ڈپوٹیشن پر آنے والے جونئیر افسران کو سینئر عہدوں پرتعینات کر دیا جاتا ہے ، انہوں نے مطالبہ کیا پنجاب گورنمنٹ رولز کے مطابق ڈپوٹیشن پر افسران کو ایل ڈی اے میں تعینات کیا جائے۔