شجاع آباد (نمائندہ خصوصی )اپوزیشن کیخلاف کاروائیوں پر تشویش ہے ،آج پیپلز پارٹی کی سینٹرل ایگزیکٹیو کمیٹی کا اجلاس ہوگا جس میں آئندہ کا لائحہ عمل طے کیا جائے گا ،میرے خیال سے نواز شریف کو اعلیٰ عدلیہ سے ریلیف مل جائیگا،قانون اپنا راستہ خود بنا لیتا ہے صحافیوں سے گفتگو میں یوسف رضا گیلانی نے کہا کہ نیب کی جانب سے اپوزیشن کے خلاف کاروائیوں پر تشویش ہے ،احتساب بلاتفریق ہونا چاہئے لیکن مخصوص افراد کو ٹارگٹ کیا جارہا ہے ،جے آئی ٹی کی رپورٹ کے بعد آصف علی زرداری اور بلاول بھٹو کو نوٹس جاری ہوئے ہیں آج پاکستان پیپلز پارٹی کی سینٹرل ایگزیکٹو کمیٹی کا اجلاس ہوگا جس میں آئندہ کا لائحہ عمل طے کیا جائے گا ۔