جھنگ: ٹرک کی ٹکر سے موٹرسائیکل سوار ماموں بھانجی جاں بحق، خاتون محفوظ رہی
جھنگ (نامہ نگار) سرگودھا روڈ پر ٹرک کی ٹکر سے موٹرسائیکل سوار ماموں بھانجی جاں بحق، خاتون محفوظ رہی۔ رنگ پور ضلع مظفر گڑھ سے تعلق رکھنے والا 32سالہ محمد عمر اپنی بہن نورین پانچ سالہ بھانجی فاطمہ کے ساتھ رشتہ دار کی شادی میں شرکت کیلئے شاہ جیونہ موٹر سائیکل پر جا رہاتھا دوران کراسنگ سرگودھا روڈ موضع بلی حبیب کے قریب سامنے سے آنے والے تیز رفتار ٹرک سے ٹکرا گئے جس کے نتیجہ میں محمد عمر اسکی پانچ سالہ بھانجی فاطمہ موقع پر ہی جاں بحق ہوگئے۔ نورین بی بی محفوظ رہی۔ ریسکیو 1122کے اہلکاروں نے نعشوں کو ڈی ایچ کیو ہسپتال منتقل کردیا۔
