فیصل آباد (نمائندہ خصوصی) پولیس لائنز میں سی پی او فیصل آبا داشفاق احمد خان کی طرف سے یوم قائد کے حوالے سے ایک پر وقار تقریب کا انعقاد کیا گیا جس میں سی پی او فیصل آباد اشفاق احمد خان ،ڈی سی فیصل آباد سیف اللہ ڈوگر اور ڈائریکٹر آئی بی ایس ایس پی ہمایوں سندھو نے شرکت کی ان کے ساتھ ساتھ ایس پی ایڈمن اور ڈی ایس پی ہیڈ کوارٹراور پولیس کے دیگر افسران بھی موجود تھے تقریب میں پولیس ملازمین کی فیملیز اور بچوں نے بڑی تعداد میں شرکت کی ،تقریب میں بچوں نے یوم قائدکے حوالے سے مختلف تقاریر اور ڈیبیٹس پیش کیے ،اچھی کارکردگی دکھانے والے بچوں میں انعامات تقسیم کیے گئے ۔تقریب کے آخر میں سی پی او فیصل آباد اشفاق احمد خان نے تقریب کے شرکاء سے خطاب کرتے ہوئے قائد اعظم کی زندگی پر روشنی ڈالی کہ کیسے ایک عظیم لیڈر نے مشکلات کی پرواہ نہ کرتے ہوئے مسلمانوں کے لیے ایک علیحدہ وطن پاکستان کی بنیاد رکھی جہاں پر وہ بلا خوف و خطر اپنی زندگیاں اسلامی تعلیمات کے عین مطابق گزار سکیں،سی پی او فیصل آباد نے بچوں کی اعلی تعلیم و تربیت پر بھی زور دیا کیونکہ مہذب اور تعلیم یافتہ بچے پاکستان کا مستقبل ہیں۔