اسلام آباد + کراچی (آئی این پی) وفاقی وزیر فیصل واوڈا نے کہا کہ آصف زرداری نے دراصل لاڈلے کی بات کرکے نواز شریف کو ٹارگٹ کیا ہے، زرداری نے حملہ نواز شریف پر کیا ہے، مقدمات ان کے دور میں بنے تھے۔ جمعرات کو پیپلز پارٹی کے رہنماﺅں کی تقریروں پر رد عمل دیتے ہوئے انہوں نے کہا کہ عمران خان نے18 ویں ترمیم یا ون یونٹ پر ایک بار بھی بات نہیں کی، 18ویں ترمیم کے خلاف تو میں پورے پاکستان میں اکیلا گھوم رہا ہوں، عمران خان کو لایا گیا ہے تو پیپلزپارٹی کی سندھ میں حکومت کیسے بنی ہے۔ مسلم لیگ (ن) کے رہنما محمد زبیر نے کہا ہے کہ فیصل واوڈا کے بے بنیاد دعویٰ کو مسترد کرتے ہیں، مفروضوں کی بنیاد پر اس قسم کی باتیں افسوسناک ہیں، محمد زبیر نے فیصل واوڈا کے بیان پر رد عمل دیتے ہوئے کہا جب کچھ کیا ہی نہیں تو پیشکش کس چیز کی کریں گے، فیصل واوڈا کے بے بنیاد دعویٰ کو مسترد کرتے ہیں، میں نے کہا تھا کہ علیمہ خان کو جرمانہ لے کر کیوں چھوڑا، علیمہ خان اور جہانگیرترین نے جرم کیا قبول بھی کیا، ریفرنس میں ان کےلئے جیل کیوں نہیں ہے۔
فیصل واوڈا