ایل ڈی اے کا 9غیرقانونی رہائشی سکیموں کیخلاف آپریشن‘تعمیرات مسمار
لاہور (خصوصی نامہ نگار)لاہور ڈویلپمنٹ اتھارٹی کے ڈائریکٹوریٹ آف اسٹیٹ مینجمنٹ پرائیویٹ ہائوسنگ سکیمز کے عملے نے گزشتہ روزفیروز پور روڈ پر واقع 9 غیر قانونی رہائشی سکیموں کے خلاف آپریشن کرکے وہاں قائم غیر قانونی تعمیرات مسمار کردیں۔ آپریشن کے دوران چغتائی گارڈن‘الفجر سٹی‘النور پارک‘انجینئر پارک‘القمر ہومز‘ہاجرہ ہومز‘بصرایا لینڈ سب ڈویژن‘بشیر ہومز اور شہزاد ہومز کی چار دیواریاں‘سیوریج سسٹم ‘سڑکیں ‘دفاتر اور دیگرانفراسٹرکچر کو مسمار کر دیا گیا ۔
