لاہور(نمائندہ سپورٹس) سرفراز احمد نے سنچورین ٹیسٹ میں شکست کا ملبہ کوچز پر ڈال دیا، کپتان قومی ٹیم کا کہنا ہے کہ گزشتہ 2 برس سے پاکستان چوتھی اننگ میں مسلسل ناکام ہو رہا ہے، ناکامیوں کے ذمے دار بلے باز اور کوچز ہیں۔ میڈیا سے گفتگو کرتے ہوئے سرفراز احمد کا کہنا تھا کہ گزشتہ 2 برس سے پاکستان چوتھی اننگز میں مسلسل ناکام ہو رہا ہے۔ ناکامیوں کے ذمے دار بلے باز اور کوچز ہیں۔سرفراز احمد نے اس سے قبل کبھی بھی کوچز کو تنقید کا نشانہ نہیں بنایا۔ تاہم گزشتہ روز مکی آرتھر اور ٹیم کے سینئر کھلاڑیوں کے درمیان ہونے والی جھڑپ کے بعد سرفراز احمد نے صبر کا دامن چھوڑتے ہوئے کوچز کو بھی تنقید کا نشانہ بنا دیا ہے۔