واشنگٹن(اے پی پی) امریکی وفاقی استغاثہ کے مطابق اہور لیو نامی ایک انتہا پسند یہودی فرقے سے تعلق رکھنے والے4 افراد کو نیو یارک سے گرفتار کر لیا گیا ہے۔ گوئٹے مالا سے تعلق رکھنے والے ان مشتبہ افراد پر 2 بچوں کو اغوا کرنے کا الزام ہے۔ بتایا گیا ہے کہ یہ افراد ان بچوں کو گوئٹے مالا لے جانا چاہتے تھے۔ تاہم پولیس نے ایک کارروائی کے دوران بچوں کو بازیاب کراتے ہوئے ان افراد کو حراست میں لے لیا۔ اگر عدالت میں ان ملزمان پر جرم ثابت ہو گیا تو انہیں عمر قیدکی سزا سنائی جا سکتی ہے۔