لاہور (سپورٹس رپورٹر) لاہور گیریژن پولو کلب کے زیراہتمام میجر جنرل سعید جنجوعہ میموریل پولو کپ ٹورنامنٹ حمزہ مواز کی شاندار پرفارمنس کی بدولت ماسٹر پینٹس نے جیت لیا، فائنل میں دلچسپ مقابلے کے بعد پی بی جی /ری مائونٹس کو 8-7.5 سے ہرا دیا۔ ادھر سب سڈری فائنل میں پولو ڈی صوفی کی ٹیم نے نیوایج /ڈائمنڈ پینٹس کو 5-4 سے ہرا دیا۔فائنل مقابلہ کافی دلچسپ رہا۔ ماسٹر پینٹس کی ٹیم نے پہلے چکر سے ہی لیڈ لے لی مگر پریذیڈنٹ باڈی گارڈز کی ٹیم نے ہمت نہ ہاری۔ جیتنے والی ماسٹر پینٹس کی ٹیم کی طرف سے حمزہ مواز خان نے چھ ، احمد بلال اور ممتاز عباس نیازی نے ایک ایک گول سکور کیا۔ پی بی جی /ری مائونٹس کی طرف سے لیفٹیننٹ کرنل رب نواز ٹوانہ، نکلوس رئیوس اور ثاقب رائیڈر نے دو دو گول جبکہ کیپٹن ہمیرغازی نے ایک گول سکور کیا۔ ادھر سب سڈری فائنل میں پولو ڈی صوفی کی ٹیم نے نیوایج /ڈائمنڈ پینٹس کی ٹیم کو 6-5 سے ہرا دیا۔ اختتامی تقریب میں مہمان خصوصی بیگم بیلم مواز نے کھلاڑیوں میں انعامات تقسیم کیے۔