پی بی 26 کوئٹہ ضمنی انتخاب، ہزارہ ڈیموکریٹک پارٹی کے امیدوار قائل علی نائل 5272 ووٹ لیکر کامیاب
کوئٹہ (نوائے وقت رپورٹ) بلوچستان اسمبلی کے حلقہ پی بی 26 کوئٹہ تھری میں ضمنی الیکشن میں تمام 49 پولنگ سٹیشنوں کے غیرسرکاری، غیرحتمی نتائج کے مطابق ہزارہ ڈیموکریٹک پارٹی کے امیدوار قادر علی نائل نے میدان مار لیا۔ انہوں نے 5272 ووٹ حاصل کرکے کامیابی حاصل کی جبکہ جمیعت علماءاسلام (ف) کے مولانا ولی محمد ترابی 4258 ووٹ لیکر دوسرے نمبر پر رہے۔ مجلس وحدت المسلمین کے سید محمد رضا 2426 ووٹوں کے ساتھ تیسرے نمبر پر رہے۔ واضح رہے 2018ءکے عام انتخابات میں اس نشست پر ایچ ڈی پی کے احمد کوہزاد کامیا بہوئے تاہم مخالف امیدوار کی جانب سے انکی شہریت چیلنج کرنے پر الیکشن کمشن نے افغان شہری ہونے پر انہیں نااہل قرار دیدیا تھا۔
ضمنی الیکشن
