ٹورنٹو (این این آئی)بالی ووڈ اداکار قادر خان کینیڈا میں ٹورنٹو کے ہسپتال میں 81برس کی عمر میں انتقال کر گئے۔ انہوں نے 300 سے زائد فلموں میں کام کیا۔ میڈیا رپورٹس کے مطابق بالی ووڈ میں زیادہ تر مزاحیہ اداکاری سے مداحوں کو محظوظ کرنے والے اداکار قادر علی خان گزشتہ کافی دن سے ٹورنٹو کے ہسپتال میں زیرعلاج تھے اور منگل کی صبح انتقال کر گئے۔ قادر خان گزشتہ کئی برس سے اپنے بیٹے کے ساتھ کینیڈا میں رہائش پذیرتھے، قادرخان نے بیماری کے باعث بات چیت کرنا بند کردی تھی جب کہ گزشتہ ہفتے انہیں شدید علالت کے باعث وینٹی لیٹر پرمنتقل کردیا گیا تھا۔ واضح رہے کہ 81 سالہ اداکار قادر خان نے اپنے 43 سالہ بالی ووڈ کیریئر میں 300 سے زائد فلموں میں کام کیا ہے اور250 فلموں میںمکالمے لکھے ہیں۔ انہوں نے مزاحیہ اداکاری کے ساتھ منفی کردار بھی بخوبی نبھائے ہیں۔