ریاض (آن لائن) سابق آرمی چیف اور اسلامی اتحادی افواج کے سربراہ جنرل (ر) راحیل شریف نے پاکستانی مزدوروں کو دیکھ کرگاڑی روک لی۔ میڈیا رپورٹس کے مطابق سابق آرمی چیف جنرل (ر) راحیل شریف سعودی عرب میں اپنی گاڑی پر جارہے تھے کہ راستے میں پاکستانی شہری جو کہ ایک عمارت کی تعمیر کیلئے بطور مزدورکام کررہے تھے۔ جنرل (ر) راحیل شریف گاڑی سے اترکر ان کوملنے چل دیئے۔ پاکستانی شہری اپنے سابق سپہ سالار کو دیکھ کر انتہائی خوش ہوئے۔ جنرل (ر) راحیل شریف نے ان سے مصافحہ کیا اور ان سے خیریت دریافت کی۔ پاکستانیوں نے راحیل شریف کے ساتھ گپ شپ کی اور تصاویر بھی بنوائیں۔