لاہور (سپورٹس رپورٹر+نمائندہ سپورٹس ) سابق کپتان شاہد خان آفریدی انٹر نیشنل کرکٹ سے ریٹائرمنٹ کے بعد مختلف کرکٹ لیگز کھیلنے کے علاوہ دیگر سرگرمیوں میں مصروف ہیں تاہم سال کے آخری روز ان کی ایک ایسی ویڈیو سامنے آ گئی ہے کہ ان کے مداح خوشگوار تجسس میں مبتلا ہو گئے ہیں۔سوشل میڈیا پر سامنے آنے والی ویڈیو میں شاہد آفریدی سول انجینئرز کے کپڑوں میں ملبوس پائے گئے تو اگلے ہی لمحے ڈاکٹر کا روپ دھار لیا، وہ ٹیکسی ڈرائیور بھی بنے اور انہوں نے عربوں کا روایتی لباس بھی پہنا۔خود شاہد آفریدی بھی اس ویڈیو کے آخر میں لوگوں کو مخاطب کر کے کہتے ہیں کہ ’’آپ لوگ کنفیوز تو ہو گئے ہوں گے، جلد ہی آپ کو بتاوں گا۔؟