مکہ مکرمہ (نوائے وقت رپورٹ) سعودی عرب کی وزارت حج و عمرہ نے عمرہ زائرین سے متعلق اعدادوشمار جاری کر دئیے۔ جمعرات تک عمرہ کیلئے 25 لاکھ 55 ہزار 201 ویزے جاری کئے گئے جن میں سے 21 لاکھ 83 ہزار 31 زائرین حجاز مقدس پہنچے ہیں۔ سب سے زیادہ پاکستانی زائرین کی تعداد 6 لاکھ سے زائد ہے۔ انڈونیشیا کے زائرین دوسرے اور بھارت کے تیسرے نمبر پر ہیں۔ حجاز مقدس میں چار لاکھ 8 ہزار 611 زائرین موجود ہیں جبکہ 17 لاکھ 74 ہزار 420 زائرین عمرے کی ادائیگی کے بعد اپنے ممالک کو لوٹ چکے ہیں۔